Wednesday, January 23, 2019

"समानताका आवाजहरु" नामक कविता बाचन तथा कला प्रदर्शनी कार्यक्रम सम्पन्न ।

२०७५ साल माघ ७ गते ललितपुरको जावलाखेल (जा:होला ख्य:)मा सम्पन्न असमानता बिरुद्ध नागरिक अभियानद्वारा आयोजित "समानताका आवाजहरु" नामक कविता बाचन तथा कला प्रदर्शनी कार्यक्रम सम्पन्न भयो ! कविरुमा बिमल निभा, नारायण ढकाल, पुरुषोत्तम सुबेदी, बिधान आचार्य, मातृका पोखरेल, सुलोचना मानन्धर धिताल, लक्ष्मी माली, स्नेह सायमी, शार्दुल भट्टराई, देवीका तिमील्सिना, आदी हुनुहुन्थ्यो ! उक्त कार्यक्रममा ९ बर्षकी अनुश्री आचार्य देखी बिख्यात कविहरुको पनि सहभागिता थियो । कार्यक्रमको प्रमुख आतिथ्यता शताव्दी पुरुष सत्य मोहन जोशीज्युले गर्नु भएको थियो । नागरिक अभियन्ताहरु र जन साधारणको बिच सम्पन्न कार्यक्रम सार्थक देखिन्थ्यो ।


                                                         
  




 




Tuesday, January 15, 2019

प्रगतिशिल लेखक संघको अध्यक्षमा सुवेदी



चिसाङ शेर्पा खोटाङ,

प्रगतिशिल लेखक संघ खोटाङको अध्यक्षमा चित्रकुमार सुवेदी चयन भएका छन् । संघको तेस्रो जिल्ला सम्मेलनले सुवेदीलाई अध्यक्षमा चयन गर्दै १५ सदस्यीय नयाँ कार्य समिति चयन गरेको छ । यससँगै २०६३ सालयता निस्क्रीय रहेको संघले पुर्णता पाएको छ । 
संघका केन्द्रीय अध्यक्ष मातृका पोखरेलको प्रमुख आतिथ्यमा शनिबार जिल्ला समन्वय समितिको हलमा सम्पन्न सम्मेलनबाट उपाध्यक्षमा मिनकुमार दाहाल, सचिबमा लोकेन्द्र राई सर्बाहारा,सह सचिबमा सिता थुलुङ र कोषाध्यक्षमा क्रान्ती श्रेष्ठलाई चयन गरेको छ । सम्मेलनबाट चयन भएका पदाधिकारीहरुलाई नेकपाका नेता दुर्गाजयन्ती राई, धु्रब बुढाथोकी, जलसेर राई र दिक्तेल रुपाकोट मझुवागढी नगरपालिकाका नगर प्रमुख दिपनारायण रिजालले शुभकामना दिनुभएको थियो ।


यसैविच, कार्यक्रमको अवसरमा भएको जिल्लाव्यापी खुल्ल कविता प्रतियोगितामा सिर्जना अधिकारी प्रथम, अनिश घिमिरे दोश्रो, रिमा राई तेश्रो र मौसम आचार्य सान्त्वना भएकी छिन् ।
www.samayojankhabar.com बाट साभार 
२०७५ पुस २८ गते  प्रकाशित
-------------------------------------------------------------------










































































































































ओम प्रकाश घिमिरेको फेसबुक बाट
ओम प्रकाश घिमिरेको फेसबुक बाट