काठमाडौँ, ५ जेठ २०७४ । आख्यानकार नारायण ढकालले बजारमा चर्चा पाएका वा बढी बिकेका कृतिका आधारमा मात्र असल साहित्य ठहर गर्न नहुने बताउनुभएको छ । प्रगतिशील लेखक सङ्घको मासिक परिसंवाद शृङ्खलामा आज विचार प्रस्तुत गर्दै ढकालले बिक्ने मालविरुद्ध कलात्मक हस्तक्षेप गरेर समाजलाई सही सन्देश दिने साहित्य पस्कनु प्रगतिशीलको दायित्य हो भन्नुभयो ।
ढकालका ‘प्रेतकल्प’, वृषभ वध’ लगायत चार उपन्यास र त्यतिकै सङ्ख्यामा कथा सङ्ग्रह प्रकाशित छन् । लेखकको राजनीतिक आस्था हुनसक्ने भए पनि उसले सिर्जनालाई नारा वा सिधा पक्षधरतामा व्यक्त नगरी सामाजिक यथार्थका आधारमा पस्किएमा समाजले पछिसम्म पनि खोजेर अध्ययन गर्ने उहाँको भनाइ छ । समालोचक गोपीरमण उपाध्यायले विश्वस्तरमा लोकप्रिय माक्र्सवादी साहित्यबाट पनि नेपाली स्रष्टाहरु प्रभावित हुँदै आएको बताउनुभयो ।
सङ्घका अध्यक्ष मातृका पोखरेलले नियमित रुपमा समसामयिक विषयमा विज्ञसहित मन्थन गरेर नयाँ पुस्तालाई उत्प्रेरित गर्न खोजिएको जनाउनुभयो । कार्यक्रममा उपन्यासकार रमेश विरही र रणेन्द्र बराइली, सङ्घका उपाध्यक्ष डा पुष्करराज भट्ट, महासचिव आरएम डङ्गोल, वरिष्ठ सचिव पुण्य गौतम ‘विश्वास’ लगायतले उपन्यास लेखनका प्रवृत्तिबारे टिप्पणी गर्नुभएको थियो ।
http://trishulikhabar.com बाट साभार
आफ्नो धारणा राख्दै आख्यानकार नारायण ढकाल
=====================================================
No comments:
Post a Comment